Район Башлыгы Рәгать Хөсәенов «эшлекле дүшәмбе» киңәшмәсен үткәрде
Эш атнасы Лениногорск районы Башлыгы Рәгать Хөсәенов рәислегендә атналык планеркадан башланды. Анда предприятие, оешма, республика министрлыклары һәм ведомстволары, шәһәр һәм район хезмәтләре җитәкчеләре катнашты.
Киңәшмә барышында Район башлыгы алдагы киңәшмәләрдә бирелгән контроль йөкләмәләрнең үтәлешен анализлады. Барлык предприятие һәм оешма җитәкчеләре киләсе атнада башкарылган эшләр турында хәбәр иттеләр.
Лениногорск районы территориясендә хокук саклауның торышы турында полиция начальнигы урынбасары Андрей Иваньчин чыгыш ясады.
Көн тәртибендә түбәндәге мәсьәләләр каралды: язгы чакырылышка әзерлек, район территориясендә янгынга каршы хәл, җирлекләр янындагы территорияләрне сөрү, автоном янгын хәбәрчеләре урнаштыру буенча эш, шулай ук агач утырту һәм җылылык сезонын төгәлләү белән бәйле чаралар күрү йөкләмәсе бирелде.
Киңәшмә эшенә йомгак ясап, район башлыгы Рәгать Хөсәенов җаваплы хезмәткәрләргә йөкләмәләр һәм күрсәтмәләр бирде, нәтиҗәле эш теләде.