Тыл хезмәтчәнен 90 яшьлек юбилее белән котладылар

2022 елның 1 апреле, җомга

Тыл хезмәтчәне Иванова Мария Дмитриевна үзенең 90 яшьлек юбилеен билгеләп үтә.

Мария Дмитриевна 1932 елның 1 апрелендә Яңа Писмән районы Чертанлы авылында  күп балалы гаиләдә алтынчы бала булып туа. Әтисе, гражданнар сугышында катнашкан, кызы туганнан соң 9 айдан соң вафат булган. Сугыш елларында өлкәннәр белән беррәттән, колхозда эшли. Өч олы абыйсы сугышка китә, берсе генә кире әйләнеп кайта.

Башлангыч мәктәпне тәмамлый.  1948 елда туганнары Марияны Кунгур шәһәренә алып китә, анда ул машина төзелеше заводына фрезерчы укучысы булып эшли һәм кичке мәктәпне тәмамлый.

1954 елда Лениногорскка күчеп килә. Хезмәт биографиясен трактор конторасында, аннары авиация заводында дәвам итә, аннан лаеклы ялга чыга. Күпьеллык намуслы хезмәте өчен 1984 елда "Хезмәт ветераны"медале белән бүләкләнә.

Бүген Мария Дмитриевнаның 3 баласы, 6 оныгы һәм 5 оныкчыгы бар.

Юбилярны юбилее белән шәһәр Башлыгы урынбасары Гөлфирә Рафикова котлады, аңа сәламәтлек, озын гомер теләде һәм РФ Президенты В.В. Путинның Котлау хатын тапшырды.