Лениногорскилылар алдарлар кулына эләгүен дәвам итә
Россия Эчке эшләр министрлыгының Лениногорск районы буенча бүлегенең дежур частенә җирле 59 яшьлек кеше мошенниклар тозагына эләгүе турында гариза белән мөрәҗәгать иткән.
Мөрәҗәгать итүче сүзләренә караганда, ул популяр сайтта дача сату турында мәгълүмат урнаштырган. Тиздән билгесез хатын-кыздан шалтырату килгән, ул үзенең күчемсез милекне сатып алырга ниятләве турында хәбәр итә. Сатып алучы сайттан белдерүне алуны сораган һәм килешү гарантиясе сыйфатында 50 мең сум күләмендә алдан түләү кертергә тәкъдим иткән. Әмма моның өчен банкоматка барырга һәм банк картасы белән берничә эш башкарырга кирәк икән. Лениногорск кешесе якындагы банкка керә һәм бер дә шикләнмичә, җинаятьчеләр күрсәтмәсе буенча, үз акчаларын билгесез счетка күчерә. Зыян 30 мең сум тәшкил иткән.
Хәзерге вакытта полиция хезмәткәрләре җинаятьчеләрнең шәхесләрен билгеләүгә юнәлдерелгән оператив-эзләү чаралары үткәрә. Җинаять эше кузгатылды.
Россия Эчке эшләр министрлыгының Лениногорск районы буенча бүлеге гражданнарны интернет-сайтлар, шулай ук аларның сервислары ярдәмендә товар сатканда яки сатып алганда аеруча игътибарлы булырга чакыра. Таныш булмаган кешеләргә үзегезнең шәхси мәгълүматны, банк карталары реквизитларын, шул исәптән пин-кодларны, CVV-кодларны шулай ук смс-хәбәрдәге раслау кодларын хәбәр итмәгез.