«Наше время – Безнең заман» фестивале ике яңа номинация белән тулыланачак
Ел саен үткәрелә торган «Наше время – Безнең заман» эшче яшьләр иҗаты ачык республика телевизион фестивале 1 марттан башланып, 7 ноябрьгә кадәр дәвам итәчәк. Фестивальнең юбилей сезонында 18 яшьтән алып 35 яшькә кадәрге предприятиеләрдә, учреждениеләрдә һәм оешмаларда эшләүче яшьләр катнаша ала. Заявка кампаниясе 1 марттан 15 сентябрьгә кадәр узачак.
Зона турлары Әлмәттә (30 сентябрь - 1 октябрь), Түбән Камада (7-8 октябрь), Казанда (14-15 октябрь) һәм Яшел Үзәндә (21-22 октябрь) узачак.
Сайлап алу турларында җиңүчеләр суперфиналда Казанда Идел буе дәүләт физик культура, спорт һәм туризм академиясе сәхнәсендә (4-5 ноябрь) очрашачак. Гадәттәгечә Гала-концерт «Пирамида» мәдәни-күңел ачу комплексында (7 ноябрь) узачак. Нәкъ менә биредә Гран-прига ия булган җиңүче команда, шулай ук «Безнең заман геройлары»махсус призга ия булган команда номинацияләнә. Моннан тыш, быел, «Музыкаль юнәлеш», «Бию юнәлеше», «Дан минуты», «Визитка-презентация» номинацияләреннән тыш, яңа категорияләр - «Зирәклек һәм агарту», «Чәчәк аткан Татарстаным» - иң яхшы видеоклип номинациясе кертеләчәк. Хәзер һәр номинациядә гран-при булдырылачагы тагын бер яңалык булачак. Шуңа бәйле рәвештә, гомуми приз фонды да арттырылачак", - дип хәбәр итте фестиваль хәрәкәтенең генераль продюсеры Дмитрий Туманов.