Район башлыгы Рәгать «эшлекле дүшәмбе» киңәшмәсе уздырды
Бүген Лениногорск районы Башлыгы Рәгать Хөсәенов предприятие һәм оешма, республика министрлыклары һәм ведомстволары, хезмәтләре җитәкчеләре белән «эшлекле дүшәмбе» киңәшмәсе үткәрде.
Узган атнадагы оператив хәлләр турында Россия Эчке эшләр министрлыгының Лениногорск районы буенча бүлеге начальнигы урынбасары Роберт Сираҗетдинов хәбәр итте. Ул билгеләп үткәнчә, халык арасында профилактик эш алып барылуга карамастан, мошенниклык очраклары кимеми.
Район Башлыгы массакүләм мәгълүмат чараларында, рәсми сайтларда һәм социаль челтәрләрдә аңлату эшләрен активлаштырырга кушты.
Җитәкчеләр узган атнадагы хәлләр, оператив хәл итү өчен планнар һәм булган проблемалар турында хәбәр иттеләр.
Эшлекле дүшәмбе ахырында Лениногорск районы Башлыгы Рәгать Хөсәенов эш атнасына төп бурычларны билгеләде:
1. Бу атнада гадәттән тыш хәлләр идарәсенең язгы ташуга каршы, шулай ук янгын куркынычсызлыгы мәсьәләләре буенча утырышын үткәрергә;
2. Янгын турында автоном хәбәр иткечләр урнаштыру мәсьәләләре буенча аңлату эшләрен дәвам итәргә;
3. Лениногорск районында яшәүчеләрне ревакцинацияләү буенча эшне дәвам итәргә;
4. Лениногорск районында авыл хуҗалыгы ярминкәсе, шулай ук Нәүрүз бәйрәмен уздыру;
5. Бәя, шулай ук барлык кирәкле продуктлар һәм дару препаратлары буенча контроль тикшерү эшен башкару.