Лениногорск районы Башлыгы Олимпия медалисты Данил Садриев белән очрашты
Бүген Лениногорск районы Башлыгы Рәгать Хөсәенов 2022 елгы Олимпия уеннарында көмеш медаль яулаган Данил Садриев белән очрашты.
Очрашу Никахлашу сараенда җылы һәм дустанә шартларда узды. Очрашуда шулай ук чаңгыда трамплиннан сикерү һәм ике төр чаңгы ярышы буенча ТР Федерациясе Президенты Әнәс Вәлиев, «Олимпия резервы» мәктәбе директоры Андрей Федорук, сыйныф җитәкчесе, рус теле һәм әдәбияты укытучысы Илвира Хәйруллина һәм әнисе Людмила Петровна, мәктәп укучылары һәм 8 нче мәктәп директоры, спорт ветераннары һәм яшь спортчылар катнашты.
"Өйгә кайту бик күңелле, безне бик җылы каршы алдылар. Рәхмәт, борчылуларыгыз, безгә көч биреп торуыгыз өчен, ярдәмегезне сизеп тордым", - дип билгеләп үтте Данил Садриев.
Яшь лениногорскилылар Данилга үзләрен кызыксындырган сорауларны бирделәр.
Район Башлыгы Рәгать Хөсәенов район Башкарма комитеты җитәкчесе Зөлфия Михайловага Лениногорскида Данилга һәм аның гаиләсенә фатир бүлеп бирү турында йөкләмә бирде.