Лениногорскиның 11 нче гимназиясендә район Башлыгы Рәгать Хөсәенов катнашында парламент дәресе узды
Лениногорскиның 11 нче гимназиясендә район Башлыгы Рәгать Хөсәенов катнашында парламент дәресе узды.
Быел парламент дәресенең темасы - « Мин-гражданин! Минем хокукларым һәм бурычларым» һәм ул истәлекле датага – Татарстан Республикасы Конституциясе кабул ителүгә 30 ел тулуга багышланган иде.
Дәрестә укучылар видеоматериаллар белән таныштылар, чыганаклар белән эшләделәр. 5 нче сыйныф укучысы үзенең хокуклары һәм бурычлары турында иншасын укыды.
Рәгать Галиәгъзәмович балаларны вәкиллекле орган эшчәнлеге белән таныштырды, җирле үзидарәдә булачак үзгәрешләргә тукталды.
Укучылар, үз чиратында, депутат белән турыдан-туры аралаштылар һәм үзләрен кызыксындырган сорауларга җавап алдылар.
Игътибар! Парламент дәресе кысаларында 1 февральдән 31 мартка кадәр укучыларның иҗади эшләре – балалар рәсемнәре, иншалары, эссе, видеороликлар, мәктәп проектлары конкурслары үткәрелә.