Район авыл җирлекләрендә халык белән очрашулар тәмамланды
Лениногорск районы авыл җирлекләрендә халык белән очрашулар тәмамланды. Алар 2022 елның 17 гыйнварыннан 31 гыйнварына кадәр 2021 елның социаль-икътисади үсеш нәтиҗәләре һәм 2022 елга бурычлар буенча узды.
Анда Лениногорск муниципаль районы Башлыгы Рәгать Хөсәенов, Лениногорск районы Башкарма комитеты җитәкчесе Зөлфия Михайлова, Лениногорск муниципаль районы Башлыгы урынбасары Сергей Тимаков, Лениногорск районы Башлыгы киңәшчесе Петр Гринь, район хезмәтләре һәм ведомстволары вәкилләре катнашты.
Авыл җирлекләре башлыклары халык алдында 2021 елда башкарылган эшләр турында хисап тотты. Халык киләсе елга бурычлар турында фикер алышуда актив катнашты, очрашуларда меңнән артык кеше катнашты.
Лениногорск районы Башлыгы Рәгать Хөсәенов катнашучыларны шәһәр һәм районның социаль-икътисади үсеше, программаларның үтәлеше, 2021 елда авыл җирлекләре үсеше һәм 2022 елга планнар белән таныштырды. Моннан тыш, докладлар белән полициянең участок уполномоченныйлары, янгын күзәтчелеге, ветеринария хезмәте хезмәткәрләре, Лениногорск үзәк район баш табибы, банк хезмәткәрләре чыгыш ясадылар.
Очрашулар вакытында, нигездә, авыл эчендәге юлларны ремонтлау, су белән тәэмин итү, урамнарны яктырту, газлаштыру, социаль объектларны һәм мәдәният объектларын капиталь ремонтлау, ФАПларда медицина хезмәткәрләре һәм почта хезмәткәрләре кадрларының җитмәве, маршрут автобуслары хәрәкәте, сукбай хайваннарны тоту кебек мәсьәләләр күтәрелде.
Халык, район җитәкчелеге белән очрашуларда күтәрелгән барлык проблемалы мәсьәләләр дә эшкә алынды, кайбер сорауларга җитәкчелек очрашуларда җавап бирде.