Лениногорскилылар "Татарча диктант-2021" бөтендөнья белем бирү акциясенә кушылды

2021 елның 10 сентябре, җомга

Лениногорскилылар «Татарча диктант-2021» бөтендөнья белем бирү акциясенә кушылды. Чара шәһәр һәм районның берничә мәйданчыгында узды.

11нче гимназиядә акциядә 400 гә якын лениногорскилы катнашты. Диктантны укучылар, укытучылар, ата-аналар, иҗтимагый оешмалар вәкилләре язды, катнашучылар арасында шәһәр Башлыгы урынбасары Гөлфирә Рафикова һәм Мәгариф идарәсе җитәкчесе Вагыйз Санатуллин да бар иде.

"Татарча диктант"  - һәр ел саен үткәрелә торган ирекле һәм түләүсез акция. Акциядә яше, җенесе, белеме, дине, һөнәре, гаилә хәле һәм мәнфәгатьләренә карамастан, теләгән һәркем катнаша ала. Быел акция алтынчы тапкыр уза.