Лениногорск шәһәрендә халыкны кабул итү
Бүген Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева һәм ТР прокуроры урынбасары Юлия Наумова Лениногорск муниципаль районы халкын кабул иттеләр. Чара «Исток-Башлангыч» халыкка социаль хезмәт күрсәтү комплекслы үзәге базасында узды.
Чара кысаларында 11 кеше тормышның төрле якларына кагылышлы социаль-хокукый мәсьәләләрне хәл итү өчен консультацияләр һәм рекомендацияләр алды.
Халык белән очрашудан соң Юлия Абдреева «Исток-Башлангыч» халыкка социаль хезмәт күрсәтү үзәге, халыкны эш белән тәэмин итү үзәге, Республика матди ярдәм үзәгенең 26 нчы филиалы, Лениногорск картлар һәм инвалидлар өчен интернат-йорты, «Озын гомер» социаль ярдәм үзәге» коммерциячел булмаган автоном оешмасының хезмәт коллективлары белән киңәшмә үткәрде. Очрашуда тармакның актуаль мәсьәләләре турында фикер алыштылар.