Лениногорск районының барлык уку йортларында тантаналы линейкалар узды
Лениногорск районының барлык уку йортларында белем көненә багышланган тантаналы линейкалар узды. Аларда чыгарылыш сыйныф укучылары, беренче сыйныф укучылары, ата-аналар, педагоглар һәм укытучылар катнашты.
Һәр уку йортында шәһәрнең Мактаулы гражданнары, Лениногорск районы һәм шәһәре Советлары һәм башкарма комитетлары, шулай ук шәһәр һәм район Советлары депутатлары катнашты.
Бүген муниципаль районның 34 мәктәбенең ишекләре 8600дән артык бала өчен ачылды, шуларның 903е беренче тапкыр мәктәп бусагасын атлап керде.
Лениногорск нефть техникумында һәм 11 нче гимназиядә узган тантаналы линейкада Лениногорск муниципаль районы Башлыгы, Лениногорск шәһәре мэры Рәгать Хөсәенов студентларны, укучыларны һәм педагогларны Белем көне белән котлады.
Яңа уку елында уңышлар, күп кенә кызыклы очрашулар, ачышлар һәм максатларына ирешүләрен теләде.
Быел Лениногорск нефть техникумына 263 беренче курс студенты укырга керде, танетана барышында 73 студент Мактау грамоталары белән бүләкләнде.
11нче номерлы гимназия укучылары өчен тантаналы программа әзерләнгән иде: өлкән сыйныф укучылары һәм беренче сыйныф укучылары өчен концерт номерлары булды. Традиция буенч, тантаналы линейка яңа уку елында беренче кыңгырау белән тәмамланды.
11нче номерлы гимназия бусагасын 94 беренче сыйныф укучысы атлап керде.
Шулай ук бу истәлекле вакыйга белән укучыларны Татарстан Республикасы Президенты исеменнән Татарстан Цифрлы үсеш, мәгълүмати технологияләр һәм элемтә министры урынбасары Радик Гисмятов котлады.
Тантаналы өлеш тәмамланганнан соң Лениногорск районы башлыгы Рәгать Хөсәенов һәм министр урынбасары Радик Гисмәтов 11нче гимназиянең капиталь ремонттан соң ашханәсен карадылар, производство мөдире белән аралаштылар. Район башлыгы Рәгать Хөсәенов укучылар өчен туклану барлык таләпләргә дә туры килсен өчен аерым күрсәтмә бирде.