«Исток-Башлангыч» үзәге карамагындагы балалар ГТХМ бүлекчәсенә барганнар
2021 нче елның 25 нче августында Лениногорскиның «Исток-Башлангыч» халыкка социаль хезмәт күрсәтү комплекслы үзәге белгечләре 18-40 яшьлек аутистик спектрлы тайпылышлары булган кешеләр өчен «Төсле яңгыр» дигән арт-терапия кулланып дәрес уздырдылар. Гомуми картинаны булдыру өчен вак моторика, киң фикерләү, төс, композицияләр хисен үстерә торган традицион булмаган «Өрү» техникасы кулланылды. Гомуми күренеш шактый матур һәм якты килеп чыкты.
Очрашу ахырында коткаручының эше белән танышу максаты белән Лениногорск шәһәренең ГТХМ бүлегенә бару оештырылды. Экскурсия махсус гаражда узды, анда катнашучылар махсус машиналар, кар чаналары, көймәләр, шулай ук хәрби кием предметларын һәм янгын сүндерү-коткару җиһазларын карый алдылар. Барлык теләүчеләр коткару киемнәрен сынап карый һәм кулына инвентарь ала, аның авырлыгын һәм уңайлылыгын бәяли алдылар. Шулай ук ГТХМ хезмәткәрләре куркынычсызлык кагыйдәләре турында сөйләделәр һәм гадәттән тыш хәлләрдә үз-үзеңне тоту кагыйдәләре белән таныштырдылар.