Лениногорскида ишегалды бәйрәмнәре башланды

2021 елның 18 августы, чәршәмбе

16 августтан шәһәребезнең территориаль иҗтимагый үзидарәләре оештырган ишегалды бәйрәмнәре старт алды. Быел алар туган телләр һәм Халык бердәмлеге елына багышланган. Шуңа да бәйрәмдә шәһәребездә яшәүче төрле халыкларның җырлары һәм шигырьләре яңгырый. Ә иң кыюлары һәм активлары иҗади конкурсларда, спорт эстафеталарында, күңелле биюдә катнашалар.

Грамоталар һәм бүләкләр ТОС микрорайоннарының иҗтимагый тормышына актив кушылучыларга тапшырыла. Чарада, кабул ителгәнчә, шәһәр хезмәтләре, депутатлар - шәһәрлеләрнең сорауларына һәм тәкъдимнәренә җавап бирергә һәрвакыт әзер.