Лениногорскида Соңгы кыңгырау бәйрәме узды

2021 елның 22 мае, шимбә

Бүген Лениногорск районының 1054 чыгарылыш укучысы мәктәп белән саубуллашты. Шәһәр һәм районның барлык мәктәпләрендә тантаналы чаралар узды.

Барлык Башкарма комитет һәм Совет җитәкчеләре тантаналы чараларда катнаштылар, алар чыгарылыш сыйныф укучыларын аларның тормышларындагы әлеге истәлекле вакыйга белән котладылар. Чыгарылыш имтиханнарын уңышлы тапшыруларын, һөнәр сайлауда ялгышмауларын, илебезнең лаеклы гражданнары булуларын теләделәр. Шулай ук алар педагогларга укытуда, тәрбияләүдә һәм балаларны олы тормышка әзерләүдә бәяләп бетергесез хезмәтләре өчен рәхмәт белдерделәр.

Традиция буенча бәйрәмдә беренче сыйныф укучылары чыгарылыш сыйныф укучыларын котладылар, ә иң иҗади укучылар музыкаль-театральләштерелгән композицияләр күрсәттеләр.