Лениногорскида 64 нче җиңел атлетика эстафетасы узды
Бүген Лениногорск шәһәренең үзәк мәйданында Лениногорск муниципаль районы Башлыгы призына «Наркотикларсыз шәһәр» 64 нче җиңел атлетика эстафетасы узды.
Традиция буенча, эстафета 1 Май-Яз һәм Хезмәт бәйрәме кысаларында уза.
Чара эстафетада катнашучыларның төзелеше белән башланып китте. Барлык катнашучыларны район Башкарма комитеты җитәкчесенең социаль мәсьәләләр буенча урынбасары Владимир Друк сәламләде һәм ярышларда җиңүләр теләде. Аннары лениногорскилыларны спорт эшчәнлегендәге казанышлары өчен бүләкләделәр.
Беренче Май эстафетасында шәһәр һәм район уку йортлары һәм предприятиеләре командалары катнашты.
Мәктәп командалары арасында җиңүчеләр:
6-7 яшь категориясендә:
1 урын-12нче лицей;
2 урын-6 нчы мәктәп;
3 урын-7 нче мәктәп.
8-9 сыйныфлар арасында:
1 урын-6 нчы мәктәп;
2 урын-12нче лицей;
3 урын-2 нче мәктәп.
10-11 сыйныфлар арасында:
1 урын-12нче лицей;
2 урын-6 нчы мәктәп;
3 урын-7 нче мәктәп.
Шәһәр уку йортлары арасында ЛНТ командасы җиңү яулады, икенче урында ЛНТ-2 һәм өченче урында ЛПК.
Шәһәр предприятиеләре арасында «Мәгариф идарәсе» командасы җиңүче булды, икенче урынны «Лениногорскнефть» НГДУ, өченче урынны «ЛТС»ҖЧҖ яулады.
Җиңүчеләр һәм призерлар кубоклар, медальләр, Мактау грамоталары, кыйммәтле призлар белән бүләкләнде.