Студентлар "Август-Агро" ҖЧҖнә практикага килделәр
Казан дәүләт аграр университетында (КДАУ) тантаналы озату булды, һәм студентлар агрофирмага җитештерү практикасын узу өчен килделәр. Булачак агрономнар, агроинженерлар һәм бер икътисадчы «Август-Агро» хуҗалыкларының эшлиләр.
-Безнең барлык практикантларыбыз да рәсми рәвештә эшкә урнаштырылган, остазларга беркетелгән, – дип сөйләде «Август-Агро» җәмгыятенең персонал белән идарә итү бүлеге башлыгы Наталья Циделко.
Беренче тәэсирләре белән КДАУның 2 нче курс студенты Данил Баянов уртаклашты:
- Безне Иштирәк авылына алып килделәр. Биредә бик матур табигать. Кешеләр ачык, барысы да бик теләп арлаша. Җитәкчеләр бик яхшы, белемле, берьюлы теләсә нинди профессиональ сорауларга җавап бирәләр. Тулай торакта урнаштырдылар, бик тәмле ашаталар! Беренче көннәрдә безне арпа чәчүгә алып киттеләр. Техника шаккатырды: көчле, тиз, барысы да төгәл эшли. Без белгечләр белән бергә туфракның уңдырышлылыгын билгеләдек. Бу бик кызык булды. Практика тәмамланганнан соң, биредә кыр эшләре сезоны ахырына кадәр эшләргә планлаштырабыз.
Компания турында белешмә:
"Август-Агро" идарә компаниясе " ҖЧҖ-Татарстан Республикасы территориясендә авыл хуҗалыгы продукциясе җитештерүчеләрнең иң эреләреннән берсе. Республиканың Азнакай, Югары Ослан, Кама Тамагы, Лениногорск, Минзәлә, Мөслим, Теләче районнарында бер төркем предприятиеләр берләштерә.