Лениногорскида Габдулла Тукайның тууына 135 ел тулуны билгеләп үттеләр
Бүген, 26 апрельдә, бөек татар шагыйре Габдулла Тукайның туган көнендә, шагыйрь һәйкәле янында митинг булды. Митингта хөрмәтле ветераннар, балалар бакчалары вәкилләре, мәктәп, уку йортлары укучылары, шәһәр халкы һәм кунаклары, массакүләм мәгълүмат чаралары катнашты.
Туган тел көнендә без татар шагыйре Габдулла Тукайның туган көнен билгеләп үтәбез.
Лениногорск муниципаль районы башлыгы, Лениногорск шәһәре мэры Рәгать Хөсәенов барлык катнашучыларны бәйрәм белән котлады. Ул билгеләп үткәнчә, Габдулла Тукайның туган көне республика халкы өчен генә түгел, ә дөньяның төрле илләрендә яшәүче барлык татарлар өчен дә бөтенхалык бәйрәменә әверелде.
"Габдулла Тукай иҗаты халыкның мәдәни мирасы байлыгын бик нәзакәтле һәм төгәл тапшыра. Ул тирән гуманистик юнәлеш белән аерылып тора. Аның хезмәткә карата һәм яңа максатларга ирешүдә, үз телеңә һәм халыкка карата хөрмәтне камилләштерү буенча чакырулары актуаль", - диде Рәгать Хөсәенов.
Аннары Лениногорск районы башлыгы Рәгать Хөсәенов Габдулла Тукайның тууына 135 ел тулуга багышланган "Моңлы Тукай теле" конкурсында җиңүчеләргә дипломнар тапшырды. Бүген Мәдәният сараенда 2 нче һәм 3 нче урыннарны хөрмәтләү тантанасы булачак.
Митинг Лениногорск шагыйрьләре һәм язучылары чыгышлары белән дәвам итте, укучылар бөек шагыйрьнең шигырьләрен укыдылар, укучылар театральләштерелгән тамаша күрсәттеләр.
Митинг бөек татар шагыйре һәйкәленә чәчәкләр салу белән тәмамланды