Лениногорск районында шәһәр һәм район территорияләрен санитар-экологик чистарту буенча өмә үткәрелде
Санитар-экологик икеайлык кысаларында, Лениногорск районында өмә үткәрелде.
Район оешмалары, предприятиеләре, мәгариф учреждениеләре хезмәткәрләре беркетелгән территорияләрне, паркларны һәм урамнарны җыештырырга чыктылар. Битараф булмаган халык шулай ук экологик өмәдә актив катнашты.
Сберкеләр һәм тырмалар белән коралланып, һәр оешмага беркетелгән территорияләрдә кыш буена җыелган чүп-чарны чистарттылар һәм җыештырдылар. Аларның һәркайсына, оешма урнашкан урынына карамастан, билгеле бер территория беркетелде.
Районның авыл җирлекләрендә хезмәт десанты зур территорияне тәртипкә китерде, чүп-чар җыештырылды һәм чыгарылды. Капчыкларга җыелган чүпне машина урбасына тутырдылар.
Лениногорск муниципаль районы Башлыгының 2021 елның 22 мартындагы 29 номерлы «Лениногорск районы территориясен санитар чистарту буенча икеайлыкны үткәрү турында" боерыгы белән гомумрайон өмәләрен үткәрү көннәре итеп 10 һәм 24 апрель, бердәм санитар көн – сишәмбе билгеләнгән иде.
21 апрельдән 23 апрельгә кадәр предприятие һәм оешмалар көче белән шәһәрнең үзәк урамнарын юдырттылар. Барлыгы 25 берәмлектән артык махсус эш җәлеп ителде. 26 апрельдә шәһәр урамнарын «Татнефть»ГАҖнең коммуналь техникасы көче белән юдырту дәвам итәчәк.
Икеайлык чорында 2021 елның 1 апреленнән 24 апреленә кадәр 3 санитар көн һәм 2 өмә оештырылды һәм үткәрелде, Бүгенге көндә 1560 кубометрдан артык каты көнкүреш калдыклары чыгарылды, чарада 18 меңнән артык кеше катнашты. Шулай ук 150 данә миләш үсентеләре утыртылды.
Исегезгә төшерәбез, экологик икеайлык кысаларында чаралар 31-гә кадәр дәвам итәчәк.