Муниципалитетның эш атнасы йомгаклары
Бүген муниципалитетның эш атнасына йомгак ясыйбыз:
1. Бу атнада «БлагСтройДорХоз» АҖ көче белән урамнарны чүп-чардан чистарту, коры-сарыдан һәм яфраклардан чистарту эшләре план буенча үткәрелде. «Торак-коммуналь хуҗалык һәм С» АҖ, хезмәт күрсәтүче оешмалар көче белән һәр көнне ишегалларында чүп-чар, коры-сары һәм авария хәлендәге агачларны кисү, яшел үсентеләрне кронлау эшләре алып барыла.
24 октябрь көнне муниципаль район территориясендә өмә узачак. Барлык предприятие һәм оешмаларны, шәһәр һәм район халкын актив катнашырга чакырабыз.
2. Лениногорск районы территориясендә битлек режимы дәвам итә, лениногорскилыларга профилактика чараларын үтәргә, 65 яшьтән өлкәнрәк гражданнарга яшәү урыныннан китмәскә һәм үз-үзеңне изоляцияләү режимын үтәргә киңәш ителә.
Лениногорск полицейскийлары көн саен короновирус инфекциясе таралуны кисәтүгә юнәлдерелгән рейдлар үткәрә.
3. Ленин проспекты буенча скверны төзекләндерү эшләре дәвам итә. «Мастер-строй» ҖЧҖ подрядчы оешмасы һәм хезмәт күрсәтүче оешмалар бу көннәрдә плитка, ут баганалары, кече архитектура формаларын сүтү эшләре бара.
«Ленин проспекты буенча cквер» объектында ремонт эшләре «Pаманча проектлау концепциясе»ҖЧҖ проекты нигезендә алып барыла.
4. Янгыннарны кисәтү максатыннан халык белән профилактик эш алып барыла. Йортларда яшәүчеләр белән шәхси йортларда һәм якын-тирә территорияләрдә янгын куркынычсызлыгы чараларын, көнкүреш электр җылыту приборларын эксплуатацияләү кагыйдәләрен, мич ягып җылыту, газ җиһазларын куркынычсыз куллану кагыйдәләрен үтәү буенча әңгәмәләр үткәрелде.
Бөтенроссия ирекле янгын сүндерү җәмгыяте белгечләре һәм Лениногорск муниципаль районы буенча янгын сүндерү һәм янгын күзәтчелеге инспекторлары социаль яклау идарәсе хезмәткәрләре һәм авыл җирлекләре башлыклары белән бергә эшлиләр. Алар халыкка автоном янгын хәбәрләрен урнаштыру кирәклеге турында мәгълүмат җиткерәләр,бер атна эчендә 50ләп янгын хәбәрчесе урнаштырылган. Бу юнәлештә эш дәвам итәчәк.
5. Муниципаль районда милли проектларны тормышка ашыру дәвам итә. «Хатын – кызларны эш белән тәэмин итүгә ярдәм итү-өч яшькә кадәрге балалар өчен мәктәпкәчә белем бирү шартларын булдыру» проектын тормышка ашыру кысаларында «Демография» илкүләм проекты кысаларында Лениногорск шәһәре халыкны эш белән тәэмин итү үзәге юнәлеше буенча өч яшькә кадәрге баланы карау буенча отпускта булган 70тән артык хатын-кыз белем алды. Курслар «1С: Предприятие», «Чәчтараш», «Персонал буенча менеджер», «Хисапчы», «Автомобиль йөртүче» белгечлекләре буенча оештырылды.