Бер айда Татарстан Росреестры ташламалы ипотека буенча 288 килешү теркәгән
Дәүләт программасы гамәлгә кергәннән соң Росреестрның Татарстан Республикасы буенча идарәсе 6,5 процент ставкалы ташламалы ипотека кулланып 288 пакет документлар теркәде.
Ташламалы ипотека буенча барлык килешүләр 2020 елның маенда теркәлгән. Шул ук вакытта иң күп мондый ипотека Казанда теркәлгән - 138 һәм Яр Чаллыда - 76.
Шулай ук Лаеш районында - 29, Әлмәт районында - 21, Яшел Үзән районында - 18, Биектау районында - 5, Баулы районында - 1 ташламалы ипотека буенча шартнамәләр теркәлгән.
Росреестрның Татарстан Республикасы буенча идарәсе җитәкчесе урынбасары вазыйфаларын башкаручы Лилия Борһанова билгеләп үткәнчә, дәүләт ярдәме белән ипотекадан файдаланып документлар пакетлары Татарстан Росреестрында аерым контрольдә.
"Беренче ташламалы ипотека Татарстан Росреестры тарафыннан май башында теркәлде. Бүген без Татарстанда әлеге процесста катнашучыларның активлыгы ни дәрәҗәдә үсүен күзәтәбез - банклар һәм төзүчеләр, шулай ук яңа төзелешләрдә фатир сатып алучы гражданнар. Әлеге программа, безнең фикеребезчә, күчемсез милек базарында яңа драйвер булачак ".
Искәртеп узабыз, апрельдә РФ Хөкүмәте ташламалы ипотека программасын 6,5%ка раслады