Лениногорск муниципаль районында милли проектларны гамәлгә ашыру
2020 елда Лениногорск муниципаль районында 12 милли проектның сигезе тормышка ашырыла.
«Мәгариф» милли проекты кысаларында узган ел Шөгер һәм Тимәш мәктәбе базасында «Үсеш ноктасы» дигән цифрлы һәм гуманитар профильле мәгариф үзәкләре төзелде, алар авыл мәктәпләренең 700 дән артык укучысын колачлады. Быел «Үсеш ноктасы» үзәге Иске Иштирәк мәктәбе базасында төзеләчәк. Шулай ук берничә шәһәр мәктәбен исәпләү техникасы, программа белән тәэмин итү һәм презентация җиһазлары белән тәэмин итү планлаштырыла.
2019 елда «Мәдәният» милли проекты буенча Тимәш авылында мәдәният йортына капиталь ремонт ясалды. Хәзерге вакытта Ивановка мәдәният йортына капиталь ремонт һәм балалар сәнгать мәктәбенә ремонт ясала. Әлеге проектның максаты-мәдәни мохиткә җәлеп ителгән гражданнар санын заманча инфраструктура булдыру юлы белән арттыру.
«Торак һәм шәһәр мохите» проекты кысаларында җәмәгать киңлекләрен төзекләндерү буенча чаралар үткәрелә, «Цифрлы икътисад» проекты буенча социаль әһәмиятле объектларга кадәр җепселле - оптик элемтә линияләрен төзү дәвам итә, «Экология» проекты буенча урман торгызу эшләре бара.
Район үзәк хастаханәсе, халыкны эш белән тәэмин итү үзәге, «Исток-Башлангыч» комплекслы үзәге, яшьләр эшләре, спорт һәм туризм Идарәсе тарафыннан тормышка ашырыла торган «Демография» проекты иң мөһим милли проектларның берсе булып тора. Әлеге проектның максатчан күрсәткечләре булып туучылар санын арттыру, халыкның гомер озынлыгын арттыру һәм физкультура һәм спорт белән даими шөгыльләнүче гражданнар өлешен арттыру тора.
Милли проектлар нинди дә булса объектларны төзү яки ремонтлау белән тәмамланмый. Һәр проект буенча максатчан күрсәткечләр билгеләнгән, аларның төп нәтиҗәсе – халыкның тормыш сыйфатын яхшырту.