Битлек режимын бозу очракларын ачыклау буенча рейдлар дәвам итә
Коронавирус инфекциясен булдырмау ниятеннән, Лениногорск полиция хезмәткәрләре көн саен рейд чаралары оештыра. Тәртип сакчылары мониторингны җәмәгать куллану урыннарында - вокзалларда, сәүдә нокталарында, чәчтарашханә һәм матурлык салоннарында, ишегалларында, подъездларда һәм җәмәгать транспорты тукталышларында уздыралар.
Исегезгә төшерәбез, шәһәр һәм район халкына кибетләрдә, даруханәләрдә, ведомстволарда булганда, таксида һәм автобусларда йөргәндә, шәхси саклану чараларын: битлекләрне һәм перчаткаларны куллану каралган. Режимны үтәмәү, суд карары буенча, РФ КоАП 20.6.1 ст. нигезендә 1 дән 30 мең сумга кадәр күләмдә штраф алырга мөмкин.
Җәмәгать урыннарында индивидуаль яклау чараларын тагып йөрү пандемияне туктату өчен кирәк. Тикшеренүләр буенча, авырудагы битлек әйләнә-тирәдәгеләр өчен куркынычсызлыкны гарантияли. Димәк, инфекция йөртүчеләр куркыныч төркеме вәкилләренә инфекция тапшыра алмаячак. Шуңа күрә, хөрмәтле Лениногорск халкы, кагыйдәләрне санга сукмагыз, битлек кияргә онытмагыз. Бу бит сезнең сәламәтлегегезне һәм якыннарыгызны саклау өчен эшләнә.
Полиция хезмәткәрләре үткәргән рейдлар эпидемиологик вәзгыятьне яхшыртуга кадәр дәвам итәчәк. Лениногорскида яшәүчеләргә социаль дистанцияне һәм маскалы-перчаткалы режимны үтәргә үтенәләр.