Лениногорск районы Башлыгы Рәгать Хөсәеновның COVID-19 таралу шартларында куркынычсызлык чараларын үтәү турында мөрәҗәгате
Хөрмәтле лениногорскилылар! Безнең район халкы!
12 майдан Татарстан Республикасы акрынлап яңа коронавирус йогышы пандемиясе фонында чикләүләр режимыннан чыга башлады.
Лениногорск муниципаль районында санитар-эпидемиологик хәл тотрыклы кала. 2020 елның 25 маена районда 232 кеше (119 кеше, 113се туганнары) медицина хезмәткәрләре күзәтүе астында үз-үзләрен изоляцияләүдә тора, 736 кеше күзәтү астыннан төшерелгән. Район территориясендә COVID-19 инфекцияләүнең 10 очрагы теркәлгән, 7 кеше сәламәтләнгән. Соңгы тәүлек эчендә йоктыру очраклары теркәлмәгән.
Барлык күрсәтмәләрне, чикләүләрне һәм тәкъдимнәрне үтәүне дәвам итәргә кирәк, дип белдерде Россия Президенты һәм Татарстан Республикасы җитәкчелеге.
Безнең төп бурыч-коронавирус инфекциясенең алга таба таралуына юл куймау. Лениногорскилыларның күбесе эшкә чыгып, урамнар буйлап иркен йөри алуларын исәпкә алып, халыкка ТР Роспотребнадзор киңәшләрен ничек үтәргә кирәклеген тагын бер кат искәртергә кирәк.
Битлек һәм перчаткалар кию мәҗбүри:
- ваклап сату объектларында;
- җәмәгать транспортында, таксида;
Бары тик битлек:
- җәмәгать урыннарында;
- хезмәт күрсәтү объектларында.
Эш бирүчеләр битлекләрдән файдалануны, кирәк булганда, үз объектларында, территорияләрендә һәм пассажирлар йөртүне гамәлгә ашырганда, тәэмин итәргә бурычлы.
Шунысын да билгеләп үтәргә кирәк, медицина битлеге авыру белән турыдан-туры элемтәдә барьер булып тора, йөзен пычрак куллар белән кагарга ирек бирми, чөнки безнең кулларда 840 мең микроорганизм бар. Шулай ук кулларны юарга һәм антисептик чараларны кулланырга кирәк.
Хөрмәтле лениногорскилылар, кешеләр җыелган урыннардан качыгыз һәм куркынычсыз 1,5-2 метр дистанцияне үтәгез.
Яңа коронавирус йогышы таралуга юл куймау буенча профилактик чаралар турында да онытырга ярамый, 65 яшьтән өлкәнрәк кешеләргә дә профилактика чараларын үтәргә, мөмкин булганча өйдә калырга, кешеләр күпләп җыелудан качарга, 8 (855595) 5-24-48, 5-16-14 "кайнар линия" телефоны аша мөрәҗәгать итәргә кирәк.