Татарстан Росреестры «Ветераннар икеайлыгы» үткәрә
Бөек Ватан сугышында җиңүнең 75 еллыгы уңаеннан һәм Татарстан Республикасы буенча Росреестр идарәсе 79 еллыгы истәлегенә «Ветераннар икеайлыгы» дигән социаль акция уздыра. Әлеге акция кысаларында дәүләт кадастр исәбе һәм ветераннарның күчемсез милек объектларына булган хокукларын дәүләт теркәве өч көнлек срокта үткәрә.
Социаль акциянең гамәли көче Бөек Ватан сугышы инвалидларына һәм ветераннарына, шулай ук аларга тиңләштерелгән затларга кагыла (“Ветераннар турында”гы 1995 елның 12 гыйнварындагы 5-ФЗ номерлы Федераль законның 2 статьясы нигезендә). Моннан тыш, күрсәтелгән социаль акциягә шулай ук һәлак булган (вафат булган) сугыш инвалидларының, Бөек Ватан сугышы ветераннарының хатыннарын; икенче бөтендөнья сугышы чорында фашистлар һәм аларның союздашлары тарафыннан төзелгән концлагерь, гетто һәм башка мәҗбүри тоту урыннарының балигъ булмаган тоткыннарын кертү турында карар кабул ителде.
Шул ук вакытта әгәр ветеран мөрәҗәгать итүчеләрнең берсе булса (мәсәлән, сатучыларның берсе яки сатып алучыларның берсе), социаль акциянең эшчәнлеге барлык документлар пакетына кагыла. Росреестрның дәүләт хезмәтләрен алу өчен КФҮнең теләсә кайсы офисына мөрәҗәгать итәргә яки документларны Росреестрның дәүләт хезмәтләре порталы аша электрон рәвештә тапшырырга кирәк, ул ветеранның тиешле статусын бирүне раслый торган документны кушымта итеп тә бирә.
2019 елда тизләтелгән вакытта күчемсез милекне рәсмиләштерү мөмкинлегеннән Бөек Ватан сугышының 30 ветераны файдаланды.
Искәрмә
Кыскартылган сроклар документларны туктатып тору һәм (яисә) кире кайтару өчен нигезләр булмаган очракта, шулай ук законда кыска сроклар билгеләнмәгән очракта кулланыла. Сроклар эш көннәрендә исәпләнә.