«Исток-Башлангыч» үзәгендә дистанцион эш формалары кулланалар
Татарстан Республикасы Хезмәт, халыкны эш белән тәэмин итү һәм социаль яклау министрлыгының Лениногорск муниципаль районындагы «Исток-Башлангыч «халыкка социаль хезмәт күрсәтү үзәге» социаль педагоглары дистанцион эш формалары (шул исәптән төркем һәм индивидуаль) кулланалар.
Социаль куркыныч хәлдә булган гаиләләрдәге балаларның ялын оештыру кысаларында WhatsApp һәм Zoom мобиль кушымталарын кулланып онлайн-чаралар үткәрелә. Ялны оештыруның максаты-балаларга әхлакый-эстетик тәрбия бирү һәм иҗатның төрле төрләренә сәләтне формалаштыру. Үз-үзеңне изоляцияләү чорында балигъ булмаганнарның ялын җайга салу, аларның буш вакытларын файдалы һәм кызыксыну белән үткәрү бик мөһим.
Мәсәлән, бүгенге көнгә 40 балигъ булмаган бала белән “Мин барысын да булдырачакмын” программасын гамәлгә ашыру кысаларында дәресләр үткәрелде; мастер-класслар - “Күңелле бакча”, “Фиалкалы чүлмәк”, мастер-класслар; арт-терапия технологияләрен кулланып, Космонавтика көненә багышланган мастер-класс; бөек татар шагыйре Г.Тукайның туган көнен бәйрәм итү хөрмәтенә арт-китап; техник оригами эшләнмәләре эшләү; сугыш турында рәсемнәр конкурс; музейларга виртуаль керү; "Зарядкага бас!” спорт флешмобы. Балалар барлык дәресләрдә һәм конкурсларда бик теләп катнашалар.
Иң мөһиме-бу катлаулы чорда балалар белән янәшә булу, тынычлык һәм уңай кәеф үрнәге күрсәтү, аларга тискәре эмоцияләрне җиңәргә, интеллектны үстерергә һәм сәламәтлекне сакларга ярдәм итү.