Лениногорскида күпфатирлы йортларның подъездларын дезинфекцияләү дәвам итә

2020 елның 21 апреле, сишәмбе

Көн саен хезмәт күрсәтүче оешмалар подъездларны зарарсызландыру чаралары белән дезинфекциялиләр.

Подъездларда өстәмә рәвештә ишек тоткалары, клавишлар, лифт төймәләре һәм култыксалар эшкәртелә. Бу чара яңа  яңа коронавирус инфекциясе таралу ихтималы белән көрәшкә юнәлтелгән. Эшләр күп фатирлы йортларның гомуми кулланылыштагы урыннарында яшәүчеләрнең куркынычсызлыгын оештыру чаралары комплексы кысаларында уздырыла.

Кадерле лениногорскилылар, үзегезне һәм якыннарыгызны саклагыз, үз-үзегезне изоляция режимын саклагыз!