Лениногорск районында #Мы Вместе төбәк волонтерлык акциясе штабы эшли
Акция кысаларында коронавирус инфекциясе тарату чорында өлкән яшьтәге кешеләргә һәм аз хәрәкәтле гражданнарга медикаментлар, продуктлар һәм беренче ихтыяҗ предметлары сатып алуда ярдәм күрсәтелә.
Бүгенге көнгә 70 кешелек штаб булдырылган, аңа «Яшьләр эшләре, спорт һәм туризм идарәсе» МКУ белгечләре һәм волонтерлары, шәһәр активистлары, студентлар, эшче яшьләр һәм районның авыл җирлекләре башлыклары керә. Шулай ук волонтёрларның өстәмә резервлары да җыелган.
#МыВместе хәрәкәте активистлары махсус дистанцион белем бирү курсы һәм инструктаж уза, шулай ук аларда махсус бейдж һәм индивидуаль яклау чаралары (медицина битлекләре, перчаткалар, антисептиклар) бар.
#МыВместе штаб волонтерлары - тирә-юньдәгеләрнең тормышын яхшы якка үзгәртергә сәләтле актив тормыш позициясе булган битараф булмаган кешеләр, алар көн саен шуның белән шөгыльләнәләр.