Татарстан Росреестры Иҗтимагый советның яңа составын формалаштыра
Татарстан Республикасы буенча Росреестр идарәсе Иҗтимагый Совет составының гамәлдә булу срогы тәмамлануга бәйле рәвештә яңа состав формалаштыру турында игълан итә.
Идарәнең Иҗтимагый советы составы «Россия Федерациясендә җәмәгать контроле нигезләре турында» 2014 елның 21 июлендәге N212-ФЗ Федераль законы, Россия Федерациясе Хөкүмәтенең «Россия Федерациясе Хөкүмәте, федераль хезмәтләр һәм федераль агентлыклар карамагындагы федераль министрлыклар, шулай ук әлеге федераль министрлыклар карамагындагы федераль хезмәтләр һәм федераль агентлыклар каршындагы иҗтимагый советлар төзү тәртибе турында» 2005 елның 2 августындагы 481 номерлы карары нигезендә формалаштырыла.
Идарәнең иҗтимагый советы әгъзасы булып унсигез яшькә җиткән Россия Федерациясе гражданы була ала, шул ук вакытта аның составына керә ала:
1) Татарстан Республикасы Иҗтимагый палатасы әгъзалары,
2) иҗтимагый берләшмәләр һәм башка дәүләтнеке булмаган коммерцияле булмаган оешмалар вәкилләре.
Татарстан Республикасы буенча Росреестр идарәсе Татарстан Республикасы буенча Росреестр Идарәсенең Иҗтимагый совет составына кандидатларны тәкъдим итүче иҗтимагый берләшмәләрдән, коммерцияле булмаган оешмалардан 2020 елның 1 мартына кадәр түбәндәге электрон почта адресына гаризалар кабул итә: press@ rosreestr.org.
Конкурска тапшырыла торган документларның комплектлылыгына карата таләпләр:
1) Татарстан Республикасы буенча Росреестр идарәсе җитәкчесе исеменә Иҗтимагый Совет әгъзасына кандидатның Иҗтимагый совет эшендә катнашу ризалыгы һәм кандидатның шәхси мәгълүматларын эшкәртүгә ризалык турында гаризасы;
2) кандидатның хезмәт һәм иҗтимагый эшчәнлеге күрсәтелгән анкета.