Лениногорск политехник колледжында предприятие хезмәткәрләре арасында һөнәри осталык буенча муниципаль конкурс узды
Эшчеләрнең һөнәри осталыгын күтәрү һәм техник иҗатын үстерү, алдынгы тәҗрибә һәм осталыкны тарату, электр-газ белән эретеп ябыштыручы һөнәренең абруен күтәрү өчен шартлар тудыру максатыннан, 2020 елның 24 гыйнварында «Лениногорск политехника көллияте»ндә Лениногорск шәһәре һәм Лениногорск районы предприятиеләре хезмәткәрләре арасында «Эретеп ябыштыру технологияләре» компетенциясе буенча «Һөнәре буенча иң яхшы» һөнәри осталык конкурсы узды.
Конкурска түбәндәге предприятиеләрнең белгечләре гариза бирде: РРНУ – Сәмигуллин И.И., «ЛТС» ҖЧҖ - Чернов И.А., НГДУ «ЛН» - Сухановский Д. Ю., «Лениногорскгаз» ЭПО ҖЧҖ – Миннәхмәтов Н. Н., көллият укучылары: Лебакин Иван, Дәүләтшин Рашат, Зыятдинов Шамил шулай ук үзләренең практик күнекмәләрен күрсәтергә һәм җиңү өчен көрәшергә булдылар. Конкурс биреме катлаулы булды: 30 минут эчендә катнашучылар торбаны горизонталь кабатланмас хәлдә эретеп ябыштырырга тиеш иделәр. Барлык конкурсантлар да яхшы нәтиҗәләр күрсәтеп, вакытында сыештылар: балларда аерма минималь иде. Жюри әгъзаларына җиңүчене ачыклау җиңел булмады. Конкурста җиңүчеләр: 1 урынны лаеклы рәвештә «Лениногорскгаз» ЭПУ ҖЧҖ вәкиле Наил Миннәхмәтов яулады, 2 урынны – Иван Чернов, «ЛТС»ҖЧҖ. Шунысы куанычлы, «ЛПК» укучысы Зыятдинов Шамил һөнәри осталык конкурсы призеры булды. Барлык катнашучыларга сертификатлар, җиңүчеләр һәм призерларга грамоталар һәм кыйммәтле бүләкләр тапшырылды.
Әлеге чараның кунагы– Башкарма комитет җитәкчесенең социаль мәсьәләләр буенча урынбасары В. В. Друк, шулай ук шәһәр оешмалары һәм предприятиеләре вәкилләре: Ромашкино район нефть үткәргеч идарәсе башлыгы Р. Р. Кашапов, РРНУНЫҢ баш инженеры Р. Н. Галимов, «Феникс» ҖЧҖ директоры Ю. С. Соловьев, КНИТУ – КАИ ЛФ директоры Р. А. Шәмсетдинов, Лениногорск шәһәре ЦЗН КДУның әйдәп баручы белгече О. Н. Орехова, «Газпром трансгаз Казан» ҖЧҖ, «Лениногорскгаз» ЭПУ, «ЛТС» ҖЧҖ баш инженер урынбасары М. М. Нурмөхәммәтов, Лениногорск шәһәре Кашапов М. М. – «ЛН» НГДУ ЦПО начальнигы, Хәйруллин Р.И. – «Техспецервис» ҖЧҖ директорының экспертиза буенча урынбасары, Нәбиев Р. И. – «Техспецервис»ҖЧҖнең эретеп ябыштыру буенча инженеры.
Кунаклар өчен күзәтү экскурсиясе үткәрелде. «ЛПК» директоры Р.Р. Минязев җыелганнарны яңартылган остаханәләр һәм колледж лабораторияләре, «Төзелеш» юнәлеше буенча мастерскойлар үткәрде. Рөстәм Рафаэль улы кунакларга эш перспективалары турында сөйләде. "Һөнәре буенча иң яхшы» конкурсын үткәрү кысаларында «Социаль партнерлык: предприятиеләр, көллият һәм гомуми белем бирү оешмаларының квалификацияле кадрлар әзерләү эшендә хезмәттәшлеге»темасына түгәрәк өстәл оештырылды. Дискуссия барышында укучыларның һөнәри үзбилгеләнеше, чыгарылыш сыйныф укучыларын эшкә урнаштыру, педагогик җәмәгатьчелекнең мәктәп укучыларын үзбилгеләгәндә ата-аналар җәмәгатьчелеге белән тыгыз хезмәттәшлеге мәсьәләләре күтәрелде.
«Лениногорск политехника көллияте» дәүләт автоном һөнәри белем бирү учреждениесе әлеге чарада актив катнашканнары өчен катнашучыларга һәм предприятие җитәкчеләренә рәхмәт белдерә.