Лениногорск районында гражданнар җыеннары дәвам итә
Лениногорск районында район башлыгы Рәгать Хөсәенов, район башлыгы урынбасары Сергей Тимаков, район хезмәтләре һәм ведомстволары вәкилләре катнашында халык белән очрашулар дәвам итә.
2020 елның 24 гыйнварында гражданнар җыеннары Лениногорск районының 4 авыл җирлегендә үтте. Писмән, Яңа Чыршылы, Ивановка һәм Тимәш авыл җирлекләрендә урнашкан.
Авыл җирлекләренең җирле үзидарә органнарының 2019 елдагы эшчәнлеге нәтиҗәләре һәм 2020 елга планнары турында җирлек башлыклары хәбәр итте.
Җыен барышында шулай ук полиция участок уполномоченныйлары, Лениногорск муниципаль районы буенча күзәтчелек эшчәнлеге һәм профилактик эшләр бүлеге вәкилләре, «РоссельхозБанк»банкы белгечләре чыгышлары тыңланды.
Һәр очрашу ахырында муниципаль район башлыгы Рәгать Хөсәенов халыкка Лениногорск районының 2019 елда социаль-икътисади үсеше турында хәбәр итә һәм авыл халкын 2020 елга Лениногорск районы алдында торган планнар һәм бурычлар, сәнәгать һәм авыл хуҗалыгында икътисади күрсәткечләр, районда федераль һәм республика программаларының гамәлгә ашырылуы белән таныштыра.
Җирлекләрдә яшәүчеләр шәһәр һәм район хезмәтләре җитәкчеләренә үз сорауларын турыдан-туры бирәләр.
Бүгенге көндә җыеннар Лениногорск районының 20 авыл җирлегендә узды, 4 җирлектә соңгы җыеннар 2020 елның 27 гыйнварында узачак.