“Логос” үзәге балалар өчен Яңа ел уеннары һәм күңел ачу чаралары үткәрде

2020 елның 6 гыйнвары, дүшәмбе

Саф һавада әйлән-бәйлән йөрүләр, яңа ел каникуллары вакытында кышкы күңел ачулар  балаларга һәм өлкәннәргә күтәренке кәеф бүләк итте.

Кышкы каникул көннәрендә:  28.12.2019 һәм 05.01.2020  Лениногорск шәһәренең түбән сулыгында  “Логос” психологик-педагогик ярдәм үзәге белгечләре һәм волонтерлары бәйрәм үткәрделәр. Балалар  уеннарда  зирәклек, үзара ярдәмчеллек, эмоциональлек, үзләренең физик күнекмәләрен һәм осталыкларын күрсәттеләр.  Төрле уеннар балалар коллективында уңай, мораль-психологик климат тудырды. Чара ахырында һәр катнашучы бер-берсенә иминлек, бәхет, сәламәтлек, яхшы кәеф теләкләрен җиткерде. Аннары, үзәк белгечләре һәм волонтерлар балаларны Яңа ел белән котлап, татлы призлар һәм истәлекле сувенирлар бүләк иттеләр.