14нче балалар бакчасында юл билгеләре темасына чара үтте

2019 елның 30 декабре, дүшәмбе

14 нче номерлы "Чишмәкәй" балалар бакчасы тәрбиячеләре Китова Галина Михайловна һәм Голунова Наталья Валерьевна мәктәпкә әзерлек төркемендә юл йөрү кагыйдәләре буенча  квест-уен әзерләделәр һәм үткәрделәр.

Карта ярдәмендә балалар җирлектә ориентлаштылар, биремнәрне үтәү өчен кирәкле ачкычлар эзләделәр; уен барышында балалар җәяүленең кем булуы, аның юлда үз-үзен ничек тотарга тиешлеге, юл хәрәкәте кагыйдәләрен үтәүнең мөһимлеге турында белемнәрен ныгыттылар. Барлык биремнәрне үтәп, балалар Кыш Бабайдан көтеп алынган яңа ел чыршысын балалар юл билгеләре белән бизәделәр.