Лениногорск районы башлыгы Рәгать Хөсәенов "эшлекле дүшәмбе" киңәшмәсен үткәрде
Бүген Лениногорск муниципаль районы Башлыгы, шәһәр мэры Рәгать Хөсәенов рәислегендә узган атналык гомумшәһәр планеркасында район һәм шәһәр тормышының актуаль мәсьәләләре буенча фикер алыштылар.
«Эшлекле дүшәмбе» нең эше район территориясендәге оператив хәлләр, бүлек хезмәткәрләренең бер атна эчендә башкарылган эшләре турындагы начальник урынбасары - полиция начальнигы Олим Отакуловның докладыннан башланды.
Аннары җитәкчеләр узган атнадагы хәлләр, планнар һәм оператив хәл итү өчен булган проблемалар турында сөйләделәр.
Лениногорск районы башлыгы Рәгать Хөсәенов җитәкчеләрнең игътибарын яңа ел чараларына, шәһәр һәм районны, предприятие һәм учреждениеләрне, кибетләрне һәм якын-тирә территорияне бәйрәмчә бизәүгә, социаль-куркыныч хәлдә булган күп балалы гаиләләрнең һәм гаиләләрнең торак шартларын тикшереп торуга, Лениногорск районы балаларын Яңа ел бүләкләре белән тулысынча колачлауга, торак секторда янгынга каршы профилактика чараларын үткәрүгә юнәлтте.
Шулай ук район башлыгы кадрлар үзгәрешләре белән таныштырды: Лениногорск шәһәре муниципаль берәмлеге Башкарма комитеты җитәкчесе итеп Риваль Равил улы Сытдиков, «Лениногорск муниципаль районы» муниципаль берәмлеге Башкарма комитеты җитәкчесенең инфраструктура үсеше буенча урынбасары итеп Эльмира Анатольевна Чигина һәм «Лениногорск муниципаль районы» муниципаль берәмлеге Советы Аппаратының оештыру бүлеге башлыгы итеп Илдар Әхмәт улы Гобәйдуллин билгеләнде.