9 декабрьдә Халыкара коррупциягә каршы көрәш көне билгеләп үтелә
9 декабрьдә Халыкара коррупциягә каршы көрәш көне билгеләп үтелә. Бу көнне 2003 елда Мексиканың югары дәрәҗәдәге Сәяси конференциясендә БМОның Коррупциягә каршы Конвенциясе кул кую өчен ачыла, ул БМО Генераль Ассамблеясы тарафыннан 2003 елның 1 ноябрендә кабул ителә. Документ аңа кул куйган дәүләтләргә ришвәтләрне, бюджет акчаларын урлауны һәм коррупцион табышларны юдыруны җинаять дип игълан итүне йөкли. 2003 ел Конвенциясе-мондый төрдәге беренче документ. Ул барлык структураларның коррупциячеллеге милли байлыкка зыян китерә торган илләр өчен аеруча мөһим. Россия Конвенциягә беренчеләрдән булып кул куйды.
2008 елның 25 декабрендә "Коррупциягә каршы тору турында" 273-ФЗ номерлы Федераль закон кабул ителде, анда коррупция төшенчәсе, вазыйфаи затларның бурычлары һәм коррупцияне кисәтү буенча башка чаралар билгеләнгән. Теләге булган һәркем «Интернет»челтәрендәге теләсә кайсы хокукый порталда законның тулы тексты белән таныша ала.
2019 елның агымдагы чорында Лениногорск шәһәре хокук саклау органнары тарафыннан коррупцион юнәлештәге 10 җинаять ачыкланган.
2019 елда шәһәр прокуратурасы тарафыннан хөкем ителгән вазыйфаи заттан кылган коррупцион җинаять өчен суд аша 350 000 сум акча түләттерелгән, ул үз гамәлләре белән 350 000 сум күләмендә зыян китергән. Хәзерге вакытта әлеге зыян тулысынча район бюджетына кайтарылган.
2019 елның агымдагы чорында судта коррупцион юнәлештәге 8 җинаять эше буенча дәүләт гаепләве тоткарланган, алар буенча гаепләү карарлары чыгарылган.
Бу өлкәдә күзәтчелек прокуратура эшчәнлегенең өстенлекле юнәлешләреннән берсе булып кала бирә.
Вазифаи затларның коррупцион гамәлләре турында мәгълүматыгыз булса, шәһәр прокуратурасына 5-18-20, 5-71-00 телефоннары аша хәбәр итүегезне сорыйм.