Лениногорск укучылары «Форпост" оешмалары арасында республика спартакиадасының зона этабында катнаштылар

2019 елның 1 ноябре, җомга

2019 елның 30-31 октябрендә Әлмәттә республиканың көньяк-көнчыгышындагы «Форпост» җәмәгать тәртибен саклау буенча мәктәп һәм студентлар берләшмәләре арасында пневматик винтовкадан ату буенча республика спартакиадасының зона этабы узды.  Ярышларда Татарстан Республикасының 10 муниципаль районыннан командалар катнашты: Әлмәт, Азнакай, Аксубай, Бөгелмә, Зәй, Лениногорск, Мамадыш, Мөслим, Сарман, Ютазы. 

Ярышлар Россия Эчке эшләр министрлыгының Әлмәт районы буенча бүлегенең спорт комплексы тирында узды. 

"ӘМР Десантчылар берлеге» иҗтимагый оешмасы активистлары Балалар белән ярышларда катнашучылар өчен хәрби-тактик өйрәнүләр үткәрде. Программада файершоу, страйкбол, җәядән ату булды.