Лениногорск Мәдәният сараенда Театр елы дәвамында төрле чаралар үткәрелде
Лениногорск Мәдәният сараенда Театр елы дәвамында чаралар циклы узды. Соңыннан Мәдәният сарае сәхнәсендә тамашачыларга «Дулаган атка – корыч йөгән»спектакле тәкъдим ителде.
Спектакльнең режиссеры һәм баш рольне башкаручы-Мәдинә Гәрәй кызы Сафиуллина-Татарстан Республикасының атказанган мәдәният хезмәткәре. Флера Тәхаува, Салих Хәмәтҗанов, Рафис Сөләйманов, Лена Хәмәтҗанова үз рольләрен чын күңелдән һәм югары профессиональлек белән башкардылар.
Спектакльдә музыкаль бизәлеш, тавыш режиссеры-ТРның атказанган укытучысы Гүзәл Вәлиуллова.
Спектакльнең авторы – драматург, талантлы режиссер, искиткеч артист Наил Нуретдинов, «Россиянең иң яхшы кешеләре»китабына кертелгән. Залда, һәрвакыттагыча, аншлаг. Сәхнәдә – дуслык, мәхәббәт, ул һәм әнинең катлаулы мөнәсәбәтләре, әле күңелле, әле моңсу сатирик комедия.