Лениногорск спортчылары грек-рим көрәше буенча призлы урыннар алдылар

2019 елның 1 октябре, сишәмбе

26-28 сентябрь көннәрендә Октябрьский шәһәрендә 2005-2006 елгы яшүсмерләр арасында «Спорт сарае»призларына грек-рим көрәше буенча ачык республика турниры узды.

Ярышларда Татарстан һәм Башкортстан Республикасының 12 шәһәреннән: Белорецк, Уфа, Октябрьский, Стәрлетамак, Нефтекамск, Бөгелмә, Әлмәт, Баулы, Бәләбәй, Кумертау, Урыссу һәм Лениногорск командаларында 175 көрәшче катнашты. Лениногорск шәһәре командасы 11 кеше составында чыгыш ясады.

85 кг. га кадәр авырлык категориясендә Данис Кадыйханов-икенче, Артем Дәүләтшин һәм Айдар Низамов 35 кг. га кадәр һәм 44 кг. га кадәр авырлык категориясендә ярышларның өченче призерлары булдылар.

Афәрин! Киләчәктә дә уңышлар телибез!