Лениногорскилылар Бөек Җиңүнең 74 еллыгын билгеләп үттеләр
Лениногорскида «Мәңгелек ут» монументы янында Бөек Ватан сугышында Җиңүнең 74 еллыгына багышланган митинг булды.
Чарада Лениногорск районы Башлыгы, Лениногорск шәһәре мэры Рәгать Хөсәенов, ветеринария һәм фитосанитария күзәтчелеге буенча федераль хезмәтнең Татарстан Республикасы буенча идарәсе җитәкчесе Нурислам Хәбипов, шәһәр предприятиеләре һәм оешмалары җитәкчеләре, район хакимияте вәкилләре, җәмәгать оешмалары әгъзалары, укучылар, Бөек Ватан сугышы ветераннары, безнең район халкы һәм кунаклары катнашты.
Ветераннарга рәхмәт сүзләре белән Лениногорск шәһәре мэры Рәгать Хөсәенов чыгыш ясады.
Рәгать Галиәгъзәм улы билгеләп үткәнчә, бүген районда 49 Бөек Ватан сугышында катнашучы, 746 тыл хезмәтчәне һәм 282 һәлак булган һәм вафат булган ветераннарның тол хатыннары яши.
«Безнең барыбыз өчен дә-үзенчәлекле бәйрәм. Сугыш елларының авырлыгын һәм дәһшәтен белмәүче дүртенче буын яши инде. Без җиңүчеләрнең батыр буынына карата ихтирам һәм мәхәббәт хисләре кичерәбез», - диде Рәгать Хөсәенов.
Ветераннарга ныклы сәламәтлек, бәхет, бетмәс-төкәнмәс тормыш энергиясе, иминлек һәм тыныч күк йөзе теләде.
Лениногорскилыларга Татарстан Республикасы Президенты Рөстәм Миңнеханов исеменнән ветеринария һәм фитосанитария күзәтчелеге Федераль хезмәтенең Татарстан Республикасы буенча идарәсе җитәкчесе Нурислам Хәбипов мөрәҗәгать итте.
«Татарстаннан гына да фронтка җиде йөз меңнән артык кеше киткән, шуларның яртысы диярлек өенә кайтмаган. Бүген без һәлак булганнарның якты истәлеге алдында баш иябез һәм бүгенге көндә исән калган герой - фронтовикларга һәм тыл хезмәтчәннәренә тиешле хөрмәтләребезне җиткерәбез. Сезгә зур рәхмәт, хөрмәтле ветераннар, батырлык, хезмәт сөючәнлек, зирәклек, бетмәс-төкәнмәс тормыш оптимизмы һәм туган республикабыз тормышында актив катнашуыгыз өчен! Озын гомер сезгә», - диде ул.
Лениногорск районы ветераннар Советы рәисе урынбасары, шәһәрнең Мактаулы гражданины Николай Степанов халыкка мөрәҗәгать итеп, безнең илгә бу дәһшәтле сугышта җиңүнең нинди юллар белән килүен искә төшерде. Бөек Җиңү белән котлады һәм тыныч һәм бәхетле гомер теләде.
Митингта катнашучылар Бөек Ватан сугышы кырларыннан кайтмаган лениногорскилыларны һәм илебез халкын бер минут тынлык белән искә алдылар һәм мемориалга чәчәкләр салдылар.
Алга таба парадның башлануы турында команданы Лениногорск шәһәре хәрби комиссары Рөстәм Мисбахов бирде.
Хәрби, мәктәп укучылары һәм шәһәр предприятиеләре хезмәткәрләре, «Үлемсез полк» колоннасы һәм парадлы машиналар колоннасы тантаналы төстә үзәк мәйданга кадәр үтте.
Һәр Җиңү бәйрәме белән Лениногорскида «Үлемсез полк» акциясе үсә. Быел әлеге чара «Мәңгелек ут» монументы янында башланды, Ленинград урамы һәм Үзәк мәйданда узды. Беренче рәтләрдә шәһәр мэры Рәгать Хөсәенов, ветеринария һәм фитосанитария күзәтчелеге буенча федераль хезмәтнең Татарстан Республикасы буенча идарәсе җитәкчесе Нурислам Хәбипов һәм Лениногорск хәрби комиссары Рөстәм Мисбахов барды. Әлеге чарада район, предприятие һәм оешма җитәкчеләре, шәһәр һәм район халкы һәм кунаклары катнашты.
Алга таба чаралар шәһәрнең үзәк мәйданында узды. Лениногорск районы Башлыгы Рәгать Хөсәенов һәм ветеринария һәм фитосанитария күзәтчелеге буенча федераль хезмәтнең Татарстан Республикасы буенча идарәсе җитәкчесе Нурислам Хәбипов халыкны Җиңү көне белән котладылар. Озын гомер һәм сәламәтлек теләделәр.
Аннары театральләштерелгән тамаша булды, шәһәр һәм районның иҗат коллективлары катнашында концерт программасы әзерләнгән иде. Бәйрәм чаралары салют белән төгәлләнде.