Лениногорск районы башлыгы Рәгать Хөсәенов "эшлекле дүшәмбе" киңәшмәсе үткәрде
Лениногорск муниципаль районы башлыгы Рәгать Хөсәенов предприятие, оешма, республика министрлыклары һәм ведомстволары, шәһәр һәм район хезмәтләре җитәкчеләре белән атналык гомумшәһәр планеркасында район һәм шәһәр тормышларының актуаль мәсьәләләре турында фикер алышты.
Җитәкчеләр узган атнадагы хәлләр, оператив хәл итү өчен булган проблемалар һәм планнар турында сөйләделәр.
"Эшлекле дүшәмбе» эше Россия Эчке эшләр министрлыгының Лениногорск районы буенча полиция бүлеге начальнигы урынбасары Андрей Иваньчинның район территориясендә оператив хәлләр, бүлек хезмәткәрләре тарафыннан атна дәвамында башкарылган эшләр турындагы чыгышыннан башланды.
Аннары җитәкчеләр узган атнага булган хәлләр, оператив хәл итү өчен булган проблемалар һәм планнар турында сөйләделәр.
"КНИТУ-КАИ"ның Лениногорск филиалы эшчәнлеге турында филиал директоры Рәсим Шәмсетдинов сөйләде. Әлеге уку йорты, Лениногорск шәһәре администрациясе ярдәме белән, 2002 елда филиал итеп үзгәртелә. Филиал яхшы җиһазландырылган, иркен биналарда урнашкан. Биредә көндезге һәм читтән торып уку формалары буенча 838 студент белем ала. Филиал үзенең белем бирү эшчәнлегендә КНИТУ-КАИның иң алдынгы эшләнмәләрен куллана. Филиал уку процессына заманча җиһазлар кулланып яңа педагогик технологияләр кертүне өстенлекле дип саный. Барлык укучыларга электрон белем бирү һәм мәгълүмати-белем бирү мохите тәкъдим ителә.
Лениногорск районы Башлыгы Рәгать Хөсәенов квалификацияле кадрлар әзерләүнең һәм шәһәр чигеннән чыкмыйча югары белем алуның тулы бер системасын тәэмин итү мөһимлеген ассызыклады.