Лениногорскида грек-рим көрәше буенча турнир узды
Лениногорскида Советлар Союзы Герое И.А. Заварыкин истәлегенә грек-рим көрәше буенча XXXVI ачык турнир узды. Ул “Юность” спорткомплексында үтте. Ярышларда 276 спортчы катнашты. Татарстан, Башкортстан, Удмуртия, Оренбург өлкәсе шәһәрләреннән килделәр.
Шәһәрнең 3нче спорт мәктәбе көрәшчеләре үзләрен яхшы яктан күрсәтте. Үз үлчәү категорияләрендә: Маилян Артур, Илюхин Егор, Чатуров Сергей, Таратынов Степан җиңүче булды. Икенче урында: Звонарев Артем, Киямов Ильсур, Давыдов Антон. Өченче урынны Хаков Александр, Давлетшин Артем, Антошкин Евгений, Черевов Роберт, Низамов Айдар, Моисеев Руслан, Гарипов Александр, Мингазов Альберт алды.
Махсус призларга Бердников Кирилл һәм Чатуров Сергей лаек булды.
Җиңүчеләр кубок һәм медальләр белән бүләкләнде.