Лениногорскида Нәүрүз бәйрәме үтте

Шәһәрнең Үзәк мәйданы лениногорскилыларны Нәүрүз бәйрәменә җыйды.Көне дә яз килүенә шатлангандай, кояшын елмайтты. Бәйрәм театральләштерелгән күренештән башланып китте. Районыбызда яшәүче төрки халыклар үзләренең аш-сулары белән сыйлады. Балалар өчен төрле уеннар оештырылган, алар бер мәйданчыкта мәш килде.

Район башлыгы Рәгать Хөсәенов яз килү бәйрәме белән тәбрикләде, районыбызда шулай киләчәктә дә төрле милләтләрнең дус-тату булып яшәвен теләде. Нәүрүзбикә сый-нигъмәтләре белән килгән халыкны сыйлады.