Лениногорскида «Тылсымлы багана»мастер-классы узды
Лениногорск районының «Исток-Башлангыч» халыкка социаль хезмәт күрсәтү комплекслы үзәгендә «Гаилә» илкүләм проекты кысаларында "Гаилә остаханәсе — чүлмәкче эше"проекты буенча дәресләр дәвам итә.
Проект авыр тормыш хәлендә калган балаларга ярдәм фонды ярдәмендә гамәлгә ашырыла. Дәреснең максаты - «тылсымлы багана»формалаштыру аша балчык ясауның төп алымнарын үзләштереп, чүлмәкче түгәрәгендә беренче керамик эшләнмәне үз кулларың белән ясау.
Катнашучылар әйләнүче түгәрәктә дымлы балчык өемен үзәкләштерергә өйрәнделәр. Уч төбенең пөхтә басымы материалга биек цилиндр формасын бирергә ярдәм итте. Бу "тылсымлы багана" алга таба иҗат өчен нигез булды — аны кысарга, киңәйтергә яки сузарга мөмкин иде. Бармак хәрәкәтләренә ияреп, һәркем кулында балчыкның терелүен тоя алды. Процесс материал белән диалогка әверелеп, игътибарлылык һәм йомшаклык таләп итте.
Нәтиҗәдә барысының да уникаль эше килеп чыкты — мөмкин булмаганның мөмкин булуына беренче дәлил. Шулай итеп, дәрес яңа күнекмә генә түгел, ә үз иҗат көчләренә ышаныч та бүләк итте.