Роспотребнадзор талпаннарга каршы чараларның нинди булуы турында сөйли

Талпаннарның активлыгы арту сәбәпле, Роспотребнадзор репеллентлар һәм акарицидларның аермалары нәрсәдә, шулай ук алар ярдәмендә бөҗәкләр һөҗүменнән ышанычлы сакланырга мөмкинме икәнен хәбәр итә.

Исегезгә төшерәбез, талпан вируслы энцефалитыннан (КВЭ) иң нәтиҗәле саклау чарасы булып вакцинация тора. Шул ук вакытта талпаннардан индивидуаль яклау турында онытмаска кирәк, ул, аерым алганда, химик чаралар куллануны үз эченә ала.

Тәэсир итүче матдәләргә бәйле рәвештә талпаннардан индивидуаль саклану чаралары өч төркемгә бүленә: инсектоакарицид, репеллент һәм инсектоакарицид-репеллент. Индивидуаль яклау өчен каралган барлык чаралар да теркәлергә һәм шул максат белән куллану өчен рөхсәт ителергә тиеш.

Талпаннардан дарулар гадәттә аэрозоль яки спрейлардан гыйбарәт. Алар барысы да өске киемне эшкәртү өчен кулланыла, чөнки тирегә репеллент чаралар сөрткәндә нәтиҗәле түгел.

Барлык чараларны билгеләнеше, куллану ысулы һәм этикеткаларда язылган саклык чаралары нигезендә кулланырга кирәк. 3 яшькә кадәрге балаларны, кырыйларында үлән һәм куаклык үсентеләренә тимичә, талпаннар яши торган территория буенча кулларда яки коляскаларда юллар яки сукмаклар буйлап йөртергә кирәк. Талпаннардан химик чараларны 3 яшькә кадәрге балаларны яклау өчен кулланмыйлар.

Шуны истә тотарга кирәк: индивидуаль саклану чараларын дөрес кулланганда гына сез үзегезне һәм якыннарыгызны талпан һөҗүменнән куркынычсыз саклый аласыз.

Талпан ябышкан очракта, медицина ярдәме сорап мөрәҗәгать итәргә һәм алынган талпанны йогышлы авырулар кузгатучыларны тикшерү өчен лабораториягә тапшырырга кирәк.