Лениногорскида «Без террорчылыкка каршы»акциясе уздырдылар
Лениногорск районындагы «Исток-Башлангыч» халыкка социаль хезмәт күрсәтү комплекслы үзәгенең социаль педагогы Ләйсән Хәйруллина террорчылыкны профилактикалау кысаларында балигъ булмаган социаль хезмәт алучылар катнашында «Без террорчылыкка каршы»акциясе оештырды.
Чараның максаты-балаларда һәм яшүсмерләрдә террорчылыкның куркынычлыгын һәм ашыгыч хәлләрдә үз-үзеңне куркынычсыз тоту кагыйдәләрен аңлау формалаштыру. Акция барышында социаль педагог балаларга террорчылыкның нәрсә икәнен һәм ни өчен уяулык күрсәтүнең мөһимлеген аңлатты. Яшүсмерләр шикле предметларны тапканда ничек дөрес эш итәргә һәм кемгә ярдәм сорап мөрәҗәгать итәргә икәнен белделәр.
Күрсәтмәлелек өчен гади алгоритмлы мәгълүмати буклетлар кулланылды, һәм балалар аларны Үзәк аллеяда үтеп баручыларга тараттылар. Шулай итеп, балигъ булмаганнар мөһим кагыйдәләрне үзләштереп кенә калмыйча, Лениногорск районында яшәүчеләр белән дә файдалы мәгълүмат уртаклаштылар. Өлкәннәр буклетларны бик теләп кабул иттеләр һәм гомуми куркынычсызлыкка җаваплы караулары өчен балаларга рәхмәт белдерделәр.