Лениногорскида гражданнарның аерым категорияләренә янгын турында хәбәр иткеч урнаштырдылар
Район башлыгы Марат Гирфанов кушуы буенча бүлеп бирелгән акчалар хисабына Лениногорскида яшәүче кайбер категория гражданнарга янгын хәбәрчеләре урнаштырылды.
Россия гадәттән тыш хәлләр министрлыгының Татарстан Республикасы буенча Баш идарәсенең Лениногорск районы буенча күзәтчелек эшчәнлеге һәм профилактика эше бүлеге Лениногорск шәһәре муниципаль берәмлегенең Башкарма комитеты һәм социаль яклау бүлеге белән берлектә халык белән актив профилактика эше алып бара: социаль яклау органнарында исәптә торучы гаиләләрне барлый, янгынга каршы тематика буенча профилактика әңгәмәләре алып бара, белешмәләр өләшә, шулай ук түләүсез нигездә автоном төтенле янгын хәбәрчеләре урнаштырыла.
2026 ел башыннан аерым яклауга мохтаҗ гаиләләрдә: ялгыз картларга, имин булмаган гражданнарга, инвалидларга, шулай ук күп балалы гаиләләргә 100 дән артык АДПИ билгеләнгән.
Бүгенге көндә автоном төтенле янгын хәбәрчесе янгыннарда кешеләрнең һәлак булуларын кисәтү буенча иң нәтиҗәле чараларның берсе булып тора. АДПИ янгыннан актив саклану чаралары арасында аерылып тора, чөнки алар янгын чыгуның иртә стадиясендә төтенгә җавап бирә ала һәм тавыш сигналы белән халыкны янгын куркынычы турында вакытында кисәтергә сәләтле. Хәбәрченең тавышы һәм ешлыгы хәтта каты йоклап яткан кешене дә уятырга сәләтле.
Янгын хәбәрчеләрен эксплуатацияләү кагыйдәләре шактый гади, ә аларның бәясе хәтта иң зур булмаган янгыннан югалтуларга караганда да үлчәп булмаслык дәрәҗәдә түбән. Мондый приборны үз торагыгызга урнаштырып, сез милекне генә түгел, ә иң мөһиме, үзегезнең һәм якыннарыгызның тормышын да сакларсыз.
Янгын куркынычсызлыгы таләпләрен үтәгез! Янгынны ачыклаганда, кичекмәстән бу хакта «101», яки «112»телефоннары буенча хәбәр итегез.