Лениногорскида Ленинград блокадасын бетерү көненәбагышланган батырлык дәресе үткәрелде
Ленинградны фашистлар блокадасыннан тулысынча азат итү көнендә «Исток-Башлангыч» комплекслы үзәгенең гаиләгә һәм балаларга социаль ярдәм бүлекчәсе белгечләре тарафыннан берничә чара уздырылган.
Ивановка авылы мәктәбендә Лиана Габидулина, интерактив хәтер символлары аша блокададагы Ленинградта яшәүче тыныч халыкның батырлыгы һәм фаҗигасе турында тарихи хәтерне саклау, халыкның бердәмлеге рухын ныгыту, өлкән буынга карата ихтирамлы мөнәсәбәт формалаштыру, ата-бабаларыбызның фашизмны Җиңүгә керткән өлешләре өчен рәхмәт һәм горурлык хисләрен үстерү максатында, «900 көн батырлык» дигән дәресе үткәрде.
Чара барышында катнашучылар блокада турында тарихи фактлар, икмәк карточкалары һәм көнгә 125 грамм нормасы турында белделәр, икмәкнең составы турында мәгълүмат алдылар. Блокададагы Ленинград балаларының истәлекләренә нигезләнгән видеофильм карадылар, анда геройлар сугыш авырлыклары турында гына түгел, авыр шартларга карамастан, сакланган кешелеклелек турында да сөйлиләр.
Блокада темасына багышланган Батырлык дәресе яшь буынга тынычлыкның кадерен күрсәтте һәм авырлыкларны җиңүдә Халык бердәмлеге кирәклеген аңларга өйрәтте.
Моннан тыш, Мария Исаева «Волонтер» ирекле үзәге волонтерлары белән бергә «Блокада икмәге»акциясе уздырылган Үзәк китапханәдә булдылар. Яшүсмерләргә шәһәр халкының экстремаль шартларга: даими бомбардировкаларга, ачлыкка, салкынга һәм су белән тәэмин ителмәүгә юлыгуы турында документаль фильм күрсәттеләр. Чара азагында балалар блокада вакытында Ленинградта таратылган атаклы ипи кисәген үз күзләре белән күрделәр.
Ахырда чараларда катнашучылар Ленинград блокадасы Бөек Ватан сугышының иң героик һәм фаҗигале битләренең берсе дигән нәтиҗәгә килделәр.