Лениногорскида "ЛениногорскРемСервис" компаниясе коллективының йомгаклау җыелышы булды
Лениногорск нефть техникумының актлар залында «ЛениногорскРемСервис» ҖЧҖ коллективының узган елгы эшкә йомгак ясауга һәм агымдагы елга бурычлар куюга багышланган йомгаклау җыелышы булды.
2025 елда «ЛениногорскРемСервис» компаниясе, «ТАГРАС» Холдингының «ТАГРАС-РС» компанияләр төркеменең бер өлеше буларак, үзенең 50 еллык юбилеен билгеләп үтте.
"Бөтен коллективка хезмәтләре һәм профессиональлекләре өчен рәхмәт белдерәм! Без бергәләп барлык кыенлыкларны җиңеп чыктык һәм алга таба үсеш өчен ныклы нигез салдык, — дип мөрәҗәгать итте коллективка компания директоры Данис Даутов.
Коллективның ел дәвамында башкарган эшләре, технологик эшләнмәләре һәм эшенең гамәли нәтиҗәләре федераль дәрәҗәдә югары бәя алды.
Агымдагы елга төп бурыч итеп компания җитәкчелеге бораулау буенча да, ГРП буенча да бригада һәм флотларның 100% йөкләнешен тәэмин итүне билгеләде.
Чара азагында сәхнәдән бүгенге уңышларга нигез салган күпьеллык хезмәте белән шөгыльләнгән компания ветераннарына карата җылы сүзләр яңгырады. Коллектив аларның уртак эшкә керткән өлешләрен алкышлар белән хөрмәтләде.