Роспотребнадзор тәкъдим итә: Яңа ел чыршысын ничек дөрес сайларга

Бәйрәм чыршысы Яңа елның үзгәрешсез символы һәм төп бизәге булып тора. Роспотребнадзор Яңа ел чыршысын сайлауның төп кагыйдәләрен хәтерләтә.

Тере чыршыны шәһәр чыршы базарында яисә урманчылыкта сатып алырга мөмкин. 

Иң яхшысы чыршы артыннан декабрьнең 20 нче числоларында бару. Әгәр аны алданрак сатып алсаң, ул Яңа ел бәйрәмнәре тәмамланганчы ук коелачак.

Чыршыны сатып алганда берничә детальгә игътибар итәргә кирәк:
• Агачның кәүсәсе ярыксыз булырга тиеш;
* Ботаклар сыгылмалы булырга тиеш;
* Бер түбәле чыршыны сайлагыз.

Бәйрәмнәрдән соң аны утильләштерергә кирәк. Ел саен зур шәһәрләрдә агачлар кабул итү буенча махсуслаштырылган пунктлар эшли. Анда алардан йомычка ясыйлар, ул туфракны ашламалауга, түшәмәләргә һәм зоопарклардагы хайваннарны тукландыруга китә.

Ясалма чыршыны, табигый чыршыдан аермалы буларак, бер генә түгел, ә берничә сезонга сатып алалар, шуңа күрә аны сайлаганда  янгын һәм экологик куркынычсызлык критерийларына йөз тотарга кирәк.

Ясалма чыршы сатып алганда, ботакларның нык беркетелгән булуына, ылысның коелмавына инаныгыз.

Шулай ук игътибар итегез:
• Ис. Әче химик ис нормативларга туры килми торган материаллар куллану турында сөйли.
• Янгын куркынычсызлыгы. Сыйфатлы ясалма чыршы утка чыдам материаллардан эшләнгән яисә януны булдырмаслык махсус составлар белән эшкәртелгән.
• Экологик иминлек. Чыршы ямьсез химик ис чыгармаска һәм составында кеше сәламәтлеге өчен куркыныч матдәләр булмаска тиеш.
• Ярлык. Ул рус телендә тәкъдим ителергә тиеш. Түбәндәге мәгълүматның булуына инаныгыз: әзерләү датасы, кагыйдәләр һәм шартлар һәм эксплуатацияләү, чыршының нинди материалдан ясалганын күрсәтү, җитештерүче һәм дәгъвалар кабул итүче предприятие турында мәгълүматлар.