Яңа ел бәйрәмнәре чорында азыктан агулануларны профилактикалау буенча тәкъдимнәр

Яңа ел бәйрәмнәре-шатлык, дуслар һәм якыннар белән очрашу, күңел ачу һәм юмарт табыннар вакыты. Әмма нәкъ менә шул чорда азыктан агулану куркынычы арта. Күңелсез нәтиҗәләрдән качу һәм үзеңә һәм якыннарыңның сәламәтлеген саклау өчен, Роспотребнадзор берничә гади, әмма мөһим саклык чараларын үтәргә киңәш итә.

 Азык-төлек продуктларын җентекләп сайлагыз. Азык-төлекне сатып алганда товарның яраклылык вакытына, саклау шартларына һәм тышкы кыяфәтенә игътибар итегез. Тиз бозыла торган продуктларны алдан сатып алмагыз. Бәйрәм өстәле әзерләр алдыннан яңа ризыклар сатып алу яхшырак. Төргәкнең бөтенлеген һәм зарарлануларның булмавын тикшерегез.

Продуктларны дөрес саклагыз. Саклау шартларын үтәү продуктларның бозылуын булдырмауның төп факторы булып тора. Чи һәм әзер ризыкларны герметик контейнерлар кулланып, бер-берсеннән аерым саклагыз. 

Кулларның гигиенасын һәм кухня кирәк-яракларын күзәтегез. Ризык әзерли башлар алдыннан кулларыгызны җылы су һәм сабын белән юыгыз. 

Экзотик ризыклар белән саграк. Бәйрәмнәр вакытында күпләр яңа рецептлар һәм ингредиентлар белән тәҗрибәләр ясарга ярата. Әгәр дә сез гадәти булмаган ризыкны татып карарга батырчылык итсәгез, аның сезнең тәм өстенлекләренә һәм сәламәтлек торышына туры килүенә инаныгыз. Гадәти булмаган продуктлар белән бергә алкогольне артык күп кулланмаска тырышыгыз.

 
 Әлеге катлаулы булмаган профилактик чараларны үтәү үз сәламәтлегеңне һәм гомереңне саклап калырга ярдәм итәчәк, ә Яңа елны күңелле һәм ваемсыз үткәрергә булышыр!