ЗАГСта яшь лениногорскилыларга тантаналы рәвештә паспортлар тапшырдылар
12 декабрьдә, Россия Федерациясе Конституциясе көнендә, Лениногорск шәһәренең Никахлашу сараенда 14 яше тулган яшь гражданнарга тантаналы рәвештә паспортлар тапшыруга багышланган чара узды.
Паспортлар тапшыруга багышланган тантананы Башкарма комитет җитәкчесенең социаль мәсьәләләр буенча урынбасары Вагыйзова Гөлнара Хөснетдин кызы ачып җибәрде. Ул балаларны һәм аларның ата-аналарын шушы истәлекле көн белән котлады һәм Россия Федерациясенең яшь гражданинына паспортлар тапшырды. Шулай ук «Алдынгылар хәрәкәте» яшьләр оешмасыннан Марченко Марина Владимировна котлау сүзләре белән чыгыш ясады, ә балаларга истәлекле билгеләр, паспорт тышлыклары һәм «Россия Федерациясе Конституциясе»брошюралары тапшырылды. Моннан тыш, котлау сүзе белән Россия Эчке эшләр министрлыгының Лениногорск районы буенча бүлегенең миграция мәсьәләләре бүлеге җитәкчесе, Россия Федерациясе Дәүләт Думасының 1 класслы киңәшчесе Юнысова Лилия Илгиз кызы чыгыш ясады.
Тантаналы чара яшь артист Ульяна Антипова чыгышы белән үрелеп барды. Бәйрәм җылы һәм дустанә атмосферада узды.